Եվրոպան չի վտարի ուկրաինացի փախստականներին․ Ազարով

Ուկրաինացի փախստականներին չի սպառնում զանգվածային արտաքսում եվրոպական երկրներից, քանի որ դա հակասում է այդ պետություններում գոյություն ունեցող օրենսդրության նորմերին: Նման կարծիք է հայտնել Ուկրաինայի նախկին վարչապետ Նիկոլայ Ազարովը, հաղորդում է EADaily-ն։

Նա հիշեցրել է՝ ինչպես է Գերմանիայի նախկին կանցլեր Անգելա Մերկելը բացել սահմանները Մերձավոր Արևելքից փախստականների համար, որոնք բոլորովին ադապտացված չէին եվրոպական կյանքին: Արդյունքում Եվրոպան խեղդվել է միգրացիոն հոսքերի մեջ, իսկ եկվորների ինտեգրվելու դժկամության հետ կապված խնդիրները սկսել են միայն աճել։ Ազարովը համոզված է՝ այս ֆոնի վրա եվրոպական երկրներից Ուկրաինայի քաղաքացիների զանգվածային անօրինական արտաքսումն անհնար է, չնայած այն բանին, որ Կիևը ակտիվորեն ձգտում է դրան:

«Ոչ ոք ոչ մեկին չի վտարի, բացառությամբ, իհարկե, հանցագործների, այն մարդկանց, ովքեր քրեական հանցագործություններ կկատարեն», - ասել է նախկին վարչապետը: