Զելենսկին Փարիզում առանձին հանդիպում կունենա ԱՄՆ հատուկ բանագնաց Ուիթկոֆի հետ

Ուկրաինայի նախագահ Վոլոդիմիր Զելենսկին Փարիզում առանձին հանդիպում կունենա ԱՄՆ նախագահի հատուկ ներկայացուցիչ Սթիվ Ուիթկոֆի հետ, որտեղ տեղի է ունենում Ուկրաինայի հարցով, այսպես կոչված, «կամավորների կոալիցիայի» հանդիպումը։ Այս մասին հաղորդում է ուկրաինական Общественное հրատարակությունը։

«Հանդիպումը կլինի օգոստոսի 18-ին՝ որպես Վաշինգտոնում տեղի ունեցած բանակցությունների շարունակություն»,- հաղորդում է հրատարակությունը։

Կիևի անվտանգության երաշխիքների քննարկումների ֆոնին Ռուսաստանի Դաշնության արտաքին գործերի փոխնախարար Միխայիլ Գալուզինը Новые регионы России ամսագրին տված հարցազրույցում հայտարարել է, որ ռուսական կողմը պատրաստ է աշխատել Ուկրաինային նման երաշխիքներ տրամադրելու ուղղությամբ, եթե նախկին խորհրդային հանրապետությունը միջուկային զենք չունենա, մնա չեզոք և չմտնի ռազմական դաշինքների մեջ։