Կիմ Չեն Ընը հայտարարել է ինքնիշխանության և տարածքային ամբողջականության պաշտպանության հարցում Ռուսաստանին աջակցելու մասին
Աշխարհ
ԿԺԴՀ-ն կաջակցի Ռուսաստանի Դաշնությանը իր ինքնիշխանության և տարածքային ամբողջականության պաշտպանության գործում։ Այս մասին հայտարարել է Հյուսիսային Կորեայի առաջնորդ Կիմ Չեն Ընը Պեկինում՝ Ռուսաստանի նախագահ Վլադիմիր Պուտինի հետ հանդիպման ժամանակ։
Ինչպես հաղորդում է Փհենյանում տեղակայված Կորեական կենտրոնական լրատվական գործակալությունը (KCNA), Կիմ Չեն Ընը ուրախություն է հայտնել Պուտինի հետ կրկին հանդիպելու կապակցությամբ և բարձր է գնահատել ԿԺԴՀ-ի և Ռուսաստանի Դաշնության միջև հարաբերությունների դինամիկ ընդլայնումն ու զարգացումը։
Իր հերթին Պուտինը երկու երկրների միջև հարաբերությունները անվանել է հատկապես վստահելի, բարեկամական և դաշնակցային։ Նա բարձր է գնահատել Կորեական ժողովրդական բանակի (KPA) զինծառայողների քաջությունն ու հերոսությունը Կուրսկի շրջանի ազատագրման գործողության ժամանակ՝ ասելով, որ Ռուսաստանը միշտ կհիշի կորեացի զինվորներին։
Կիմ Չեն Ընը հայտարարել է, որ ԿԺԴՀ-ն շարունակելու է լիովին աջակցել և «եղբայրական պարտականություն» համարել Ռուսաստանի կառավարության, բանակի և ժողովրդի համար պայքարելը՝ պետության ինքնիշխանությունը, տարածքային ամբողջականությունը և անվտանգային շահերը պաշտպանելու համար։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
