Apple-ը բարձրացնում է գները․ iPhone 17 Pro Max-ը կարժենա ռեկորդային $1299

TrendForce-ի նոր զեկույցի համաձայն՝ Apple-ը պատրաստվում է զգալիորեն բարձրացնել իր առաջիկա սմարթֆոնների գները։ Միայն iPhone 17-ի բազային մոդելը կպահպանի նախորդ սերնդի՝ $799 արժեքը, մինչդեռ iPhone 17 Air-ը կարժենա առնվազն $1099, իսկ Pro և Pro Max տարբերակների գները կհասնեն $1199 և $1299-ի։ Սա կդարձնի iPhone 17 Pro Max-ը Apple-ի պատմության ամենաթանկ սմարթֆոնը։

Նոր սերունդը կստանա 6,2 դյույմանոց էկրան՝ 120 հց թարմացման հաճախականությամբ, 8 ԳԲ RAM և նոր A19 պրոցեսոր։ iPhone 17 Air-ը կպահպանի 6,6 դյույմանոց էկրանը և կստանա 12 ԳԲ RAM, իսկ Pro և Pro Max մոդելները կունենան համապատասխանաբար 6,2 և 6,8 դյույմանոց էկրաններ և նորագույն A19 Pro չիպ։ Սմարթֆոնների պաշտոնական շնորհանդեսը կկայանա սեպտեմբերի 9-ին։

Ավելի վաղ JPMorgan-ի վերլուծաբանները կանխատեսել էին, որ iPhone 17-ի բազային մոդելը կարժենա $799, իսկ Air տարբերակը՝ առնվազն $949։ TrendForce-ի նոր տվյալները ցույց են տալիս գների ավելի մեծ աճ՝ ընդգծելով Apple-ի ռազմավարությունը պրեմիում շուկայում։