Թրամփը սպառնում է չեղարկել ԵՄ-ի, Ճապոնիայի և Կորեայի հետ առևտրային պայմանագրերը

ԱՄՆ նախագահ Դոնալդ Թրամփը հայտարարել է, որ եթե Վերաքննիչ դատարանի որոշումը մաքսատուրքերի վերաբերյալ մնա ուժի մեջ և Վերագույն դատարանը չբեկանվի այն, Վաշինգտոնը ստիպված կլինի չեղարկել առևտրային պայմանագրերը ԵՄ-ի, Ճապոնիայի և Հարավային Կորեայի հետ։ Reuters-ի փոխանցմամբ՝ Թրամփը զգուշացրել է, որ այդպիսի արդյունքը կհանգեցնի ամերիկյան տնտեսության լուրջ վնասներին։

Նախագահը նշել է, որ ԵՄ-ի հետ կնքված համաձայնագրով Եվրոպան համաձայնել է վճարել ԱՄՆ-ին մոտ մեկ տրիլիոն դոլար, սակայն այժմ այդ գործարքը կարող է չեղարկվել։ Թրամփը հավելել է, որ առանց իր սահմանած մաքսատուրքերի երկիրը «լիովին կքանդվեր» և կկորցներ ռազմական ուժը։ Նա նաև դատավորներին անվանել է «ռադիկալ ձախեր»՝ պնդելով, որ նման որոշումները կարող են ԱՄՆ-ին վերածել «երրորդ աշխարհի երկրի»։

Տնտեսագիտական շրջանակները կարծում են, որ Թրամփի այս հայտարարությունները նպատակ ունեն ճնշում գործադրել Վերագույն դատարանի վրա՝ ցույց տալով մաքսատուրքերի չեղարկման հնարավոր տնտեսական հետևանքները։ Օգոստոսի վերջին Վերաքննիչ դատարանը մեծամասամբ անօրինական էր ճանաչել նախկին որոշ մաքսատուրքերը՝ սահմանված Թրամփի վարչակազմի օրոք։