Օրհան Փամուկի «Լուռ տուն» վեպը ներառվել է «Asian Booker» ցանկում

Ազգությամբ թուրք գրող Նոբելյան մրցանակակիր Օրհան Փամուկի «Լուռ տուն» վեպը ներառվել է The Man Asian Literary Prize մրցանակի «Asian Booker» կարճ ցանկում: Այն առաջին անգամ անգլերեն թարգմանվել է 2012 թվականին: Ինչպես հաղորդում է lenta.ru-ն, ամբողջ ցանկում 15 թեկնածուից 5 գրող է ներառվել:

«Լուռ տուն» (Sessiz Ev) վեպը, որն Օրհան Փամուկը գրել է 1983 թվականին, պատմում է թուրքական մի ընտանիքի մեկ շաբաթվա կյանքի մասին:

Այս Վեպը Փամուկի 2-րդ մեծ աշխատությունն է: Գործողությունները տեղի են ունենում 1980թ. ամռանը՝ Թուրքիայում հերթական պետական հեղաշրջման նախօրեին: Հեղինակը մեկ ընտանիքի պատմության միջոցով նկարագրում է 20-րդ դարի թուրք ժողովրդի համայնապատկերը:

Փամուկը նաև այլախոհ է համարվում, որի պատճառով 2005 թվականից սկսած՝ Փամուկի գրքերն այրում են Ստամբուլի փողոցներում, հետապնդում Հայոց ցեղասպանության եղելության փաստերի մասին իր հայրենիքում բարձրաձայն խոսելու համար:

Թուրքական իշխանությունները նրան մեղադրում են «թուրք ժողովրդին վիրավորանք հասցնելու մեջ»: Համաշխարհային կազմակերպությունների միջամտության շնորհիվ գրողի հանդեպ հետապնդումները կասեցվեցին: