Տանկիստները գնահատել են Տ-90Մ-ի նոր «մանգալները» և բարելավված դինամիկ պաշտպանությունը

Ռուսական Տ-90Մ «Прорыв» տանկերը ստացել են նոր և ավելի արդյունավետ դինամիկ պաշտպանության բլոկներ ու թարմացված «մանգալներ», որոնք նախատեսված են պաշտպանելու մեքենան հակատանկային համալիրներից և դրոն-կամիկաձեներից։ Այս մասին «Известия»-ին պատմել է «Կենտրոն» խմբավորման տանկային վաշտի հրամանատար, լեյտենանտ Արտյոմ Վագանովը՝ գնահատելով Տ-90Մ-ի էվոլյուցիան։

Նրա խոսքով՝ նախկինում տանկի կողային մասերը հագեցված էին փափուկ պաշտպանիչ բլոկներով, սակայն դրանք փոխարինվել են մետաղականներով՝ ընդհանուր պաշտպանունակությունը բարձրացնելու նպատակով։ Փափուկ բլոկները տեղափոխվել են աշտարակ՝ ստեղծելով լրացուցիչ պաշտպանություն։ Բացի այդ, Տ-90Մ-ի աշտարակները համալրվել են մեծացված «մանգալներով», որոնք պաշտպանում են վերևից և կողքերից։

Տանկերը շարունակում են արդիականացվել՝ հաշվի առնելով մարտական փորձը։ Մոդերնիզացված Տ-90Մ-ը հագեցած է «Ռելիկտ» դինամիկ պաշտպանությամբ, արդիականացված հրաձգային կառավարման համակարգով և 1130 ձիաուժ հզորությամբ շարժիչով։ «Ուրալվագոնզավոդ»-ի տվյալներով՝ այս տանկերի արտադրությունը Ռուսաստանում շարունակաբար ավելանում է։