Ռուսաստանը և Հնդկաստանը միասին են արգելափակել Ադրբեջանի անդամակցությունը ՇՀԿ-ին․ «ԱՊԱ»

Նոր մանրամասներ են ի հայտ եկել՝ Շանհայի համագործակցության կազմակերպությանն Ադրբեջանի անդամակցության արգելափակման հանգամանքների վերաբերյալ։

Դիվանագիտական ​​աղբյուրներից ադրբեջանական ԱՊԱ գործակալությանը հայտնել են, որ ՇՀԿ-ին Ադրբեջանի անդամակցության արգելափակումը նախաձեռնել է ոչ միայն Հնդկաստանը, այլ նաև Ռուսաստանը, որը նույնպես ակտիվորեն մասնակցել է այդ գործընթացին։

Ռուսաստանի արտաքին գործերի նախարարությունը կարևոր դեր է խաղացել այդ գործընթացում, նշում է ադրբեջանական լրատվամիջոցը։

Աղբյուրի փոխանցմամբ՝ ՇՀԿ-ին Ադրբեջանի անդամակցության արգելափակման հարցը քննարկվել է Ռուսաստանի և Հնդկաստանի միջև քաղաքական խորհրդակցությունների ժամանակ, և կողմերը համաձայնության են եկել այդ հարցում։