Պեսկովը սխալ է անվանել Ռուսաստանի հնարավոր որոշումը

Արևելքից հեռանալու Ռուսաստանի որոշումը սխալ կլինի։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, նրա խոսքերն է մեջբերում Аргументы и факты-ն:

«Ռուսաստանը ոչ մի տեղ չի պատրաստվում ծավալվել, դա սխալ կլիներ։ Աշխարհում վերափոխման գործընթացները հանգեցնում են նրան, որ գլոբալ հարավի պետությունները միավորվում են միջազգային հարաբերությունների ամբողջ համակարգը փոխելու անհրաժեշտության ընդհանուր տեսլականի շուրջ: Նրանք մտադիր չեն ապրել ինչ-որ մեկի թելադրանքով միաբևեռ աշխարհում», - ընդգծել է Կրեմլի ներկայացուցիչը։

Պեսկովը նշել է՝ գլոբալ հարավի երկրները միավորվում են այն տեսլականով, որ անհրաժեշտ է առաջնորդվել «ոգով, սկզբունքներով և ՄԱԿ-ի կանոնադրությամբ»: Նա նշել է՝ Ռուսաստանը զարգացնում է գործընկերությունը Չինաստանի և տարածաշրջանի մյուս բոլոր երկրների հետ, որոնք «նույնպես շահագրգռված են Մոսկվայի հետ բարեկամական հարաբերություններ պահպանելու հարցում»: