Ռուսաստանում առաջարկում են աշխատանքից հեռացնել աշխատակիցներին ֆլիրտի համար

Բրյանսկի Օլգային դումայի պատգամավոր Միխայիլ Իվանովը առաջարկել է կոշտացնել պատասխանատվությունը աշխատավայրում ֆլիրտի համար։ NEWS.ru-ի փոխանցմամբ՝ «Ռուսաստան ուղղափառ» շարժման ղեկավարը կարծում է, որ նման պահվածքը պետք է դիտարկվի որպես կազմակերպության հեղինակությունը խաթարող անբարոյական արարք։

Իվանովը նշել է, որ նման դեպքերում կարելի է սահմանել տուգանքներ, նկատողություններ կամ նույնիսկ աշխատանքից ազատում։ Նրա խոսքով՝ նման մոտեցումը կօգնի բարձրացնել աշխատավայրում կարգապահությունը և կկանխի կոնֆլիկտային իրավիճակները։

Ավելի վաղ Ռուսաստանում առաջարկվել էր նաև սահմանել տուգանքներ ամուսնական դավաճանության համար՝ նախատեսելով 15-20 հազար ռուբլու տուգանք։ Սակայն դեռևս հստակ չէ՝ ինչ չափանիշներով և ինչպես է նախատեսվում ապացուցել նման մեղադրանքները։