Կայծակը Գերմանիայում գյուղ է ոչնչացրել

Գիշերը ուժեղ ամպրոպը լայնածավալ ավերիչ հրդեհ է հրահրել գերմանական Դրոգնից գյուղում։ Արդյունքում բնակավայրի կենտրոնը ոչնչացվել է մոլեգնող տարերքի պատճառով, գրում է Bild թերթը։

Հրդեհի պատճառը կայծակի հարված է եղել։ Հրդեհն ընդգրկել է շինություններն ու դրանց հարակից տարածքները։ Հրդեհի զոհ են դարձել երեք բնակելի տներ, մոտակայքում գտնվող շինություններ, ֆերմաներ և մի քանի գոմեր:

Միջադեպի հետևանքով տուժել է 2-96 տարեկան 18 մարդ։ Շատ բնակիչներ զրկվել են տներից, այդ պատճառով էլ ստիպված են եղել ժամանակավոր ապաստան խնդրել հարազատներից։ «Պատճառված վնասի ընդհանուր ծավալը գնահատվում է մոտ մեկ միլիոն եվրո», - ճշտում է պարբերականը։