Ռուսաստանին պետք է մղել դեպի խաղաղություն. Զելենսկի

Ռուսաստանին պետք է մղել դեպի խաղաղություն։ Դրա բանալին Եվրոպայի և Միացյալ Նահանգների համատեղ ջանքերն են, մասնավորապես՝ պատժամիջոցները և մաքսատուրքերը, ասել է Ուկրաինայի նախագահ Վլադիմիր Զելենսկին, հաղորդում է RBK-Ukraine-ն։

Ուկրաինայի նախագահը խոսել է վերջին հանդիպումների և այցելությունների մասին և նշել, որ այս պահի դրությամբ 26 երկիր պատրաստ է երաշխավորել Ուկրաինայի անվտանգությունը՝ ձեռնարկելով գործողություններ։

Սակայն, նախքան խաղաղությունը երաշխավորելը, Ռուսաստանի Դաշնությունը պետք է մղվի դեպի դա, կարծում է նա։

Զելենսկին ընդգծել է, որ «մենք պետք է անենք հնարավոր ամեն ինչ, որպեսզի Մոսկվան դադարի մերժել բոլոր խաղաղ նախաձեռնությունները և հասկանա պատերազմի երկարաձգման հետևանքները»։