Պալատական մտավորականի մտորումներ

«Ես մի քիչ խառն էի ու այդ պահին, ստանալով ասուլիսին մասնակցելու առաջարկը, ընդունեցի, սակայն երբ  արդեն փոշմանեցի շատ ուշ էր, և ես արդեն այստեղ եմ», այսօրվա ասուլիսին ասաց ՀՀ Գրողների Միության նախագահ Լևոն Անանայանը:

Վերջինս, անդրադառնալով  մտավորականների ներկայիս վիճակին, նշեց, որ  այսօր նրանք ամենախոցելի խավն են.

«ժամանակին նրանք  բավականին լավ էին ապրում, սակայն անկախությունից հետո արժեքային համակարգը փոխվեց և  իրավիճակն էլ ներկա դրությունն է՝  մտավորականների մեծ մասը սատարում են  քաղաքական այս կամ այն  կողմին,  իսկ այն հատվածը, որը չի միացել որևէ քաղաքական ուժի, հայտնվել է բավականին ծանր իրավիճակում, քանի որ  իշխանությունները ձեռքերը լվացել եև  և մտավորականը ինքն է իր գլխի տերը:  Մենք տեսանք, որ էն մտավորականները, որոնք ունեին ստեղծագործական մեծ հեռանկարներ միացան քաղաքական որոշ ուժերին, իսկ դրա բացատրությունը  նյութական խնդիրների առկայությունն է, չնայած որ յուրաքանչյուր մտավորականի քաղաքական դիրքորոշումները իրենց  անձնական ընտրությունն է,  և  ի վերջո, բոլոր ժամանակներում էլ եղել են պալատական մտավորականներ և բոլոր երկրներում էլ կան կամ իշխանական կամ ընդդիմադիր մտավորականներ»:

Լևոն Անանյանը խոսեց նաեւ քաղաքական իրավիճակի մասին՝ նշելով, որ  ընտրական այս ժամանակաշրջանում կրքերը ավելի կշիկանան: Նրա խոսքերով՝ արտագաղթի խնդիրը, բանակում առկա իրավիճակը այսօր մտավորականության համար դարձել է խոցելի թեմա: Լևոն Անանյանն ասաց, որ Գրողների Միությունը բաց նամակ է ուղարկել ԱԺ՝ արտագաղթի խնդրի վերաբերյալ, և հուսով է, որ առաջիկա նիստում կքննարկվի այն: