«Գիրքը, որը փոխեց իմ կյանքը» թեմայով շարադրությունների մրցույթ

Հայկական գրատպության 500-ամյակի միջոցառումները համակարգող պետական հանձնաժողովը հոբելյանական ծրագրերի շրջանակում հայտարարում է «Գիրքը, որը փոխեց իմ կյանքը» թեմայով շարադրությունների մրցույթ:

Մրցույթն ունի աննախադեպ մրցանակ` հաղթողին հնարավորություն կտրվի մասնակցելու հոբելյանի շրջանակներում արտերկրում իրականացվող միջազգային որևէ ծրագրի:

Մրցույթին մասնակից դպրոցականները կարող են ներկայացնել.

- շարադրություն (նվազագույն ծավալը` 500 բառ կամ 1.5 էջ) «Գիրքը, որը փոխեց իմ կյանքը» թեմայով:

Մրցույթի պայմանները.

- Մրցույթին կարող են մասնակցել ՀՀ դպրոցների աշակերտները:

- Աշխատանքների ընդունումը` մինչև փետրվարի 10-ը ներառյալ:

- Հաղթողները հայտնի կդառնան փետրվարի 19-ին` Հովհ. Թումանյանի ծննդյան օրը:

Աշխատանքներին կից անհրաժեշտ է ներկայացնել.

- մասնակցի անձնագրի պատճենը,

- մասնակցի մեկ լուսանկար,

- մասնակցի հասցեն և հեռախոսահամարը,

- դպրոցի անվանումը, համարը և դասարանը:

Աշխատանքներն անհրաժեշտ է ուղարկել Խնկո Ապոր անվան ազգային մանկական գրադարանի տնօրինություն (հասցեն` Տերյան փ. 42/1, հեռ.' 52.12.22, 58.33.35) կամ էլ. հասցեով` [email protected]