Ռուսաստանն իրականացրել է պատերազմի սկսվելուց ի վեր իր ամենամասշտաբային հարձակումն Ուկրաինայի վրա․ ԶԼՄ

Սեպտեմբերի 7-ի գիշերը ռուսական բանակը համակցված հարված է հասցրել Ուկրաինային, որը ամենազանգվածայինն էր լայնածավալ պատերազմի սկզբից ի վեր։ Հարձակման արդյունքում Կիևում գտնվող նախարարների կաբինետի շենքը առաջին անգամ վնասվել է։

Այս մասին հաղորդում է dialog.ua-ն։

Ուկրաինայի ռազմաօդային ուժերի տեղեկատվության համաձայն՝ սեպտեմբերի 6-ի երեկոյից մինչև սեպտեմբերի 7-ի առավոտ ՌԴ ԶՈւ–ն օգտագործել է 818 օդային հարձակման միջոց՝ 805 «Շահեդ» գրոհային անօդաչու թռչող սարքեր և տարբեր տեսակի իմիտատորներ, ինը «Իսկանդեր-Կ» թևավոր հրթիռներ և չորս «Իսկանդեր-Մ/ԿՆ-23» բալիստիկ հրթիռներ։ Ուկրաինայի հակաօդային պաշտպանությունը կարողացել է խոցել կամ ճնշել 751 թիրախ, այդ թվում՝ 747 անօդաչու թռչող սարքեր և չորս թևավոր հրթիռներ։ Սակայն 9 հրթիռ և 56 անօդաչու թռչող սարք հասել են իրենց թիրախներին՝ ավերածություններ պատճառելով 37 օբյեկտներում։

Նշվում է, որ հարձակումը տևել է ավելի քան 11 ժամ։