Զելենսկին հայտարարել է, որ պատրաստ է ցանկացած հանդիպման, բայց ոչ Ռուսաստանում

Ուկրաինան պատրաստ է Վլադիմիր Պուտինի և Դոնալդ Թրամփի հետ երկկողմ կամ եռակողմ հանդիպման, սակայն դրանք չեն կարող տեղի ունենալ Ռուսաստանի տարածքում։ Այս մասին հայտարարել է պետության ղեկավար Վոլոդիմիր Զելենսկին ABC News-ին տված հարցազրույցում։

Պատասխանելով այն հարցին, թե հնարավո՞ր է երկկողմ հանդիպում ռուսական կողմի հետ, նա ասել է՝ դա բացառված չէ։

«Սա նախագահ Թրամփի կողմից ազդանշան էր, և ես ասացի. «Պարոն նախագահ, ես պատրաստ եմ ցանկացած հանդիպման, բայց ոչ Ռուսաստանում»։ Ցանկացած հանդիպման՝ երկկողմ, եռակողմ, մենք ուրախ կլինենք, եթե դուք պատրաստ լինեք, և նույնիսկ ՝ հրադադարի նախնական պայմաններին, որոնք մենք ունեինք տարվա սկզբին։ Այնուհետև մենք խոսեցինք անվտանգության երաշխիքների, ապա հանդիպման մասին», - ասել է Զելենսկին։