Թրամփն Ուկրաինայի հարցով Ռուսաստանին բավարարող լուծում չունի. Կադիրով

Չեչնիայի Հանրապետության ղեկավար Ռամզան Կադիրովը կարծիք է հայտնել, որ ԱՄՆ նախագահ Դոնալդ Թրամփը չունի որևէ լուծում, որը կբավարարի Ռուսաստանին։ Նա համապատասխան հայտարարությունն արել է ՌԻԱ Նովոստիին տված հարցազրույցում։

«Ինչ վերաբերում է Թրամփին, ես չեմ կարծում, որ նա ունի որևէ հստակ կարծիք կամ նույնիսկ լուծում, որը կբավարարի Ռուսաստանին։

Արևմուտքի աջակցությամբ՝ զենքի տեսքով, Ուկրաինան ոչնչացրեց մեր քաղաքներն ու շրջանները, շատ խաղաղ բնակիչներ զոհաբերեցին իրենց կյանքը», - ասել է չեչեն առաջնորդը՝ պատասխանելով գործակալության հարցին, թե արդյոք նա հավատում է Ուկրաինայի հարցով Միացյալ Նահանգների հետ բանակցությունների հաջողությանը։