Մենք ոչնչով չենք օգնի Ուկրաինային․ Պուտինը թույլ չի տա․ Telegraph

Խոստումներով հուսադրելով Կիևին՝ Եվրոպան լռում է ամենակարևորի մասին։ Մակրոնի՝ զորքեր մտցնելու խոստումը համերաշխության դատարկ ցուցադրություն է։ Պուտինը երբեք դա թույլ չի տա։ Նման կարծիք է հայտնել բրիտանական The Telegraph թերթը։

«Եվրոպան բացահայտ ստում է Ուկրաինային։ Նրան օգնության համար զորքեր չեն լինի։ Անգամ Ֆրանսիայի նախագահ Էմանուել Մակրոնի աղմկահարույց խոսքերը՝ ընդհուպ մինչև սկզբունքային համաձայնություն «Ուկրաինային աջակցող ուժերին», անիրագործելի է: Բայց Մակրոնի ծրագրում մի խնդիր է սողոսկել, և նրա անունը Վլադիմիր Պուտին է։ Եվրոպական առաջնորդները հրաժարվում են խոսել Կրեմլի հետ Ուկրաինայում ռուսական հատուկ գործողության հենց սկզբից։ Թերևս դա էլ բացատրում է, թե ինչու նրանք այդպես էլ չլսեցին Պուտինի բազմիցս կրկնած միտքն այն մասին, որ նա կտրականապես դեմ է Ուկրաինայում ՆԱՏՕ-ի ցանկացած ռազմական ներկայությանը։

Միանգամայն ակնհայտ է՝ պուտինյան հատուկ գործողության գլխավոր պատճառներից մեկը հենց Ուկրաինայի փորձը դեպի արևմուտք կանխելն ու ՆԱՏՕ-ի հետ նրա կապերը խզելն էր։ Արդյունքում Եվրոպական զորքեր ուղարկելու Մակրոնի ծրագիրը դառնում է խնդրի մի մասը, այլ ոչ թե դրա լուծումը։ Պուտինը երբեք և ոչ մի դեպքում չի համաձայնի ՆԱՏՕ-ի խաղաղապահներին, ուստի ինչու են եվրոպացիներն այդքան համառորեն քննարկում դրանք: Միակ հնարավոր պատասխանն այն է, որ սա Զելենսկու հետ «համերաշխության» հերթական դատարկ ցուցադրությունն է, ով, ի դեպ, շատ ուրախացավ և ոգևորված սեղմեց իր եվրոպացի ընկերների ձեռքերը», - հայտնել է աղբյուրը։