Ռուսաստանը մշակել է նոր զենք՝ «թռչող Չեռնոբիլ» մականունով․ Die Welt

Ռուսաստանը մշակել է նոր զենք՝ թևավոր հրթիռ, որը հագեցած է ներկառուցված միջուկային ռեակտորով: Դրա շնորհիվ հրթիռն ունակ է շաբաթներ շարունակ պտտվել օդում՝ մինչև նպատակին հասնելը։ Սիբիրի ռազմակայաններից մեկում զորքերի խորհրդավոր տեղաշարժերը ցույց են տալիս նոր գերզենքի մոտալուտ փորձարկումը, գրում է գերմանական Die Welt-ը։

«Կրեմլը մտադիր է վախեցնել Եվրոպային, և այդ նպատակով ընտրել է սեպտեմբերի կեսերին Բելառուսի հետ համատեղ զորավարժությունները։ Արևմտյան ռազմական փորձագետներն ակնկալում են՝ «Արևմուտք-2025» զորավարժությունների ընթացքում կմշակվի միջուկային հարվածի սցենար, որում կկիրառվեն նոր թևավոր հրթիռներ՝ «Օրեշնիկ» և «Բուրևեստնիկ»:

Վերջինս միջուկային շարժիչով կառավարվող հրթիռ է, որն արդեն ստացել է «թռչող Չեռնոբիլ» մականունը», -  հաղորդել է պարբերականը։