Մեծ Բրիտանիայի ափին հսկայական ծովային արարած է հայտնվել

Բրիտանական Պեմբրի գյուղի լողափում հայտնաբերվել է ծովային արարածի, ենթադրաբար՝ կետի, հսկա դիակ։ Այս մասին հաղորդում է Daily Mail-ը։

Կենդանու մնացորդները ափ են դուրս եկել սեպտեմբերի 3-ի գիշերը։ Տեղի բնակիչներն ու հանգստացողները ցնցված են գտածոյի չափսերից։ Ծովային կենսաբանները սկսել են հետազոտությունները։

Մասնագետների կարծիքով, պատճառները կարող են տարբեր լինել՝ հիվանդությունից և թերսնումից մինչև օվկիանոսում պլաստիկ աղտոտվածության ազդեցությունը։