«Անհրաժեշտ է տեսնել, թե ինչպես կգործի այս համաձայնագիրը»․ Լավրովը՝ Հայաստանի և Ադրբեջանի միջև կնքված համաձայնագրի մասին

Ռուսաստանի արտաքին գործերի նախարար Սերգեյ Լավրովը այս տարվա օգոստոսին ԱՄՆ-ում երկու երկրների ղեկավարների կողմից ստորագրված համաձայնագիրը անվանել է Հայաստանի և Ադրբեջանի ինքնիշխան իրավունք։ Դիվանագետն այս մասին ասել է ՄԳԻՄՕ-ի ուսանողների առջև ունեցած ելույթի ժամանակ, հաղորդում է ՏԱՍՍ-ը։

Միևնույն ժամանակ, նախարարը նշել է, որ անհրաժեշտ է տեսնել, թե ինչպես կգործի այս համաձայնագիրը։

Լավրովի խոսքով՝ Ադրբեջանի և Հայաստանի միջև համաձայնագրից հետո «ոգևորված բացականչությունները» փաստաթղթի հրապարակումից հետո փոխարինվել են սկեպտիկ գնահատականներով։