ԵԽ ղեկավարը ցանկանում է խստացնել պատժամիջոցները Ռուսաստանից էներգակիրներ գնող երկրների նկատմամբ

Եվրոպական խորհրդի ղեկավար Անտոնիո Կոստան կոչ է արել խստացնել երկրորդային պատժամիջոցները այն երկրների համար, որոնք Ռուսաստանից էներգետիկ ռեսուրսներ են գնում, այդ թվում՝ գազ և նավթ։ Այս մասին հաղորդում է ՌԻԱ Նովոստին։

Նրա խոսքով՝ Եվրամիությունը պետք է «մեծացնի ճնշումը» Ռուսաստանի վրա՝ նրան բանակցային սեղանի շուրջ բերելու համար։

«Սա հեշտ չէ, բայց սա այն է, ինչ մենք պետք է շարունակենք անել՝ պայքարել «ստվերային նավատորմի» դեմ, նվազեցնել Ռուսաստանի կարողությունը ռազմական գործողություններ իրականացնելու՝ նավթ և գազ վաճառելով, և դրա համար մենք պետք է խստացնենք ոչ միայն Ռուսաստանի դեմ պատժամիջոցները, այլև երկրորդային պատժամիջոցները այն երկրների համար, որոնք Ռուսաստանի Դաշնությունից նավթ և գազ են գնում», - ասել է Կոստան։