Լավրովը հայտարարեց՝ Ռուսաստանը պատրաստ է երկխոսության, բայց անցյալը չի վերադառնա

Ռուսաստանի ԱԳ նախարար Սերգեյ Լավրովը հայտարարել է, որ Մոսկվան պատրաստ է վերականգնել հարաբերությունները Արևմուտքի հետ, սակայն նախկին ձևաչափով համագործակցություն այլևս չի լինի։ «Մենք չենք եղել կապերի խզման նախաձեռնողը։ Եթե մեր արևմտյան գործընկերները, այդ թվում՝ սլովենացիները, ցանկանան վերականգնել հարաբերությունները, մենք բաց ենք դրա համար», — ընդգծել է Լավրովը։

Նախարարը պարզաբանել է, որ խոսքը միայն քաղաքական երկխոսության մասին է, քանի որ նախկին բիզնես մոդելը կորցրել է իր արդիականությունը։ Այս ֆոնին Կրեմլի խոսնակ Դմիտրի Պեսկովն ավելի վաղ նշել էր, որ Արևմուտքի հեռացած ընկերությունների թողած շուկայի հատվածներով այժմ հետաքրքրված են այլ երկրների խաղացողներ։

Պեսկովը նաև զգուշացրել էր, որ այն արևմտյան ընկերություններին, որոնք անպատշաճ կերպով լքել են ռուսական շուկան, հետ վերադառնալը թանկ է արժենալու։