Քաղաքագետը բացահայտել Է BRICS-ի փակ նիստի նպատակը

BRICS-ի փակ նիստը, ամենայն հավանականությամբ, կապված է նախագահ Դոնալդ Թրամփի քաղաքականության և Ռուսաստանի դաշնակիցների՝ Չինաստանի, Հնդկաստանի և Բրազիլիայի նկատմամբ նրա խոստացած պատժամիջոցների հետ: Հայտնել է քաղաքագետ Նիկոլայ Թոփորնինը, գրում է Lenta-ն։

Քաղաքագետը հիշեցրել է՝ Չինաստանը, Հնդկաստանը և Բրազիլիան ռուսական նավթի գլխավոր գնորդներն են, որոնք իրենց վրա զգում են Դոնալդ Թրամփի պատժամիջոցային քաղաքականության ճնշումը: Նա նշել է՝ Բրազիլիան առաջինն է տուժել Վաշինգտոնի ճնշումից, և հենց նա է խնդրել BRICS-ի շրջանակներում նման հանդիպում անցկացնել փակ ձևաչափով:

«Մենք բոլորս հասկանում ենք, որ խոսքը Ռուսաստանի դեմ պատժամիջոցների մասին չէ, քանի որ Արևմուտքն առանց այդ էլ գրեթե ամեն ինչ դրել է սահմանափակումների տակ, ինչ վերաբերում է երկկողմ առևտրին և հարաբերություններին։ Բայց ահա հարված հասցնել Ռուսաստանի դաշնակիցներին, որոնք ռուսական նավթ են գնում, սա, իհարկե, տհաճ պահ է նաև Ռուսաստանի համար։ Այդ պատճառով ես կարծում եմ՝ նրանք ցանկանում են համատեղ քննարկել, թե ինչ կարելի է անել այս պայմաններում, եթե հանկարծ Դոնալդ Թրամփը շարունակի նոր պատժամիջոցային միջոցներ ձեռնարկել», - ենթադրել է քաղաքագետը։