Չինաստանում ահազանգել են աշխարհի համար ԱՄՆ-ից բխող նոր սպառնալիքի մասին

Չինաստանը ներկայացրել է «գաղափարական գաղութացում. ԱՄՆ-ի կոգնիտիվ պատերազմի մեթոդները, ակունքները և միջազգային վտանգը» զեկույցը, որում վերլուծվում են աշխարհի վրա Վաշինգտոնի «մտավոր գաղութացման» քաղաքականության պատճառներն ու հետևանքները:

«Մտավոր գաղութացումը ներկայացնում է մտածողության վերահսկողությունը։ Այն բնութագրվում է այնպիսի հատկանիշներով, ինչպիսիք են հարկադիր վերադասավորումը, չարամիտ մանիպուլյացիան, թաքնված ներթափանցումը, ինչպես նաև երկարաժամկետ քայքայումը: ԱՄՆ-ի հեգեմոնիան «ամուր նախադրյալ» է ծառայում գաղափարախոսական գաղութացման համար», - նշվում է նյութում։

Զեկույցի հեղինակների խոսքով՝ նոր տեխնոլոգիաների զարգացման և կատարելագործման հետ մեկտեղ Վաշինգտոնի փորձերը գաղութացնել մտածողությունը դառնում են ոչ այնքան ակնհայտ, և, որպես հետևանք, պահանջում են «մեծ ուշադրություն և զգոնություն» համաշխարհային մեծամասնության կողմից: Նաև նշվում է՝ քաղաքական, տնտեսական և մշակութային տեսանկյունից ԱՄՆ-ի գործողությունները «լուրջ վնաս են հասցնում մոլորակի զարգացմանը»: