Ռուսաստանում ստեղծել են «Մորոկ» հագուստ՝ մարտիկներին ջերմատեսիլներից թաքցնելու համար

Ռուսական Zavoz.pro ընկերությունը ներկայացրել է «Մորոկ» անունը կրող նոր պաշտպանիչ հագուստ, որը թույլ է տալիս մարտիկներին մնալ «անտեսանելի» ջերմատեսիլների և գիշերային տեսման սարքերի համար։ Կոստյումն ունի երկշերտ կառուցվածք օդային միջշերտով, ինչը ապահովում է տաք օդի մշտական դուրսբերում և սառը օդի շրջանառություն։ Փորձարկումները ցույց են տվել, որ հագուստը լիարժեք կատարում է իր գործառույթը՝ երկարատև կրելու դեպքում։

Ըստ մշակողների՝ «Մորոկ»-ը նախատեսված է հիմնականում պաշտպանական դիտարկման և գաղտնի տեղաշարժի համար, ոչ թե ակտիվ գրոհային գործողությունների։ Հագուստի քաշը մոտ 4 կիլոգրամ է։ Ընկերությունը նաև ստեղծել է «Նաֆանյա» կոչվող թեթև քողարկման պոնչո, որը մոտ երկու ժամ պահպանում է պաշտպանությունը, ապա անհրաժեշտ է 5-10 րոպեով հանել՝ սառեցնելու համար։

Արտադրողը նշում է, որ երկու մոդելներն էլ արդեն օգտագործվում են հատուկ ռազմական գործողության գոտում։ Ամսական արտադրվում և առաքվում է շուրջ հինգ հազար հավաքածու, իսկ ընկերության ներկայացուցիչները պարբերաբար այցելում են մարտական դիրքեր՝ ստանալու մարտիկների արձագանքները։