Լավրովը խոսել է Արևմուտքից վրեժխնդրության մասին

Ռուսաստանը մտադիր չէ վրեժ լուծել ոչ մեկից և չի պատրաստվում մերժել արևմտյան գործընկերներին, բայց հաշվի կառնի նրանց նախկին գործողությունները։ Այս մասին հայտարարել է ՌԴ ԱԳ նախարար Սերգեյ Լավրովը, փոխանցում է Gazeta-ն։

«Մենք ոչ մի ցանկություն չունենք ինչ-որ մեկից վրեժ լուծել, կամ ինչ-որ մեկի վրա թափել մեր բարկությունը։ Մենք նաև մտադիր չենք որևէ մեկին անտեսել։ Երբ ուշքի գան մեր նախկին արևմտյան գործընկերները, իսկ այժմ հարևանները, և ցանկանան վերադառնալ Ռուսաստան, որպեսզի նորից այստեղ աշխատեն, մենք նրանց չենք մերժի։

Բայց միևնույն ժամանակ կտեսնենք՝ ինչ պայմաններով դա հնարավոր կլինի անել։ Մենք հաշվի կառնենք, որ նրանք, փախչելով իրենց քաղաքական ղեկավարների թիմով, ցույց տվեցին իրենց անհուսալիությունը», - նշել է նախարարը։