Սիբիրում մեքենաների գները կտրուկ ընկել են

Ռուսաստանի Կենտրոնական բանկի զեկույցի համաձայն՝ Սիբիրի դիլերական կենտրոնները ակտիվ զեղչային արշավների շնորհիվ կարողացել են ամռանը նվազեցնել նոր ավտոմեքենաների գները՝ ավելի արագ, քան Ռուսաստանի այլ շրջաններում։ Հունիս-օգոստոս ամիսներին ավտոսրահները կիրառել են տարբեր խթանող ծրագրեր և հատուկ առաջարկներ, ինչի շնորհիվ վաճառքներում նկատվել է թեթև աճ։

Բանկի տվյալներով՝ ավտոօգտագործման վարկերի պայմանները նույնպես մեղմացվել են։ Տեղական բանկերը նշել են, որ շուկայի տոկոսադրույքները փոքր-ինչ նվազել են, իսկ պետական և մասնավոր սուբսիդավորված ծրագրերը նպաստել են նոր մեքենաների վաճառքի աշխուժացմանը։ Ներկայումս որոշ դեպքերում ավտովարկերը տրամադրվում են 6-7 տոկոսանոց տոկոսադրույքով, ինչը գրեթե երեք անգամ պակաս է երկրի հիմնական տոկոսադրույքից։

Միևնույն ժամանակ մասնագետները զգուշացնում են, որ ավտովարկերի իրական վերելքը դեռ հեռու է։ Գները շարունակում են մնալ բարձր, իսկ բնակչության մեծ մասն ավտոմեքենա ձեռք բերելիս բախվում է ֆինանսական սահմանափակումների։ Սպասվում է, որ պահանջարկը կաճի շատ դանդաղ՝ հատկապես տարեսկզբին արձանագրված վաճառքների անկումից հետո, հայտնում է Лента.ру-ն։