Սիմփսոնի նոր կերպարը MTV VMA-ի կարմիր գորգին զարմացրել է երկրպագուներին

45-ամյա ամերիկացի երգչուհի Ջեսիկա Սիմփսոնը հայտնվել է MTV VMA 2025 մրցանակաբաշխության կարմիր գորգին սև կորսետային, թափանցիկ զգեստով, որի տակ երևացել են նույն գույնի ներքնազգեստները։ Կերպարն ամբողջացրել են բարձրահարթակով բաց կոշիկները, փայլուն մատանիներն ու երկար ականջօղերը։

Սոցցանցերում երգչուհու նոր ոճն ու արտաքինն արագորեն դարձան քննարկումների թեմա։ Շատերը նկատել են, որ նրա դեմքը «վիզուալ երիտասարդացել է»։ «Սա Ջեսիկան չէ, հիասքանչ տեսք ունի», «Նա հիմա սենյակում է՞ մեզ հետ», «Հիշեցնում է Էդիսոն Ռեյին», — գրել են օգտատերերը, իսկ ոմանք նույնիսկ կատակել են նրա տեսքի վրա։

Սիմփսոնը վերջին ամիսներին հաճախ է համարձակ կերպարներով հայտնվում հանրության առաջ։ Հուլիսին նա ևս մեկ անգամ ուշադրություն էր գրավել՝ ներկայացնելով իր կազմվածքը բաց զգեստով։