Եվրոպան պատրաստ չէ Ռուսաստանի հետ բացահայտ հակամարտության․ վերլուծաբան

Թուրք քաղաքագետ Էնգին Օզերը մեկնաբանել է որպես անվտանգության երաշխավոր Ուկրաինա ԵՄ ռազմական կոնտինգենտ ուղարկելու գաղափարը: Նրա խոսքերը մեջբերում է РИА Новости-ն։

Քաղաքագետը ընդգծել է՝ Եվրոպան պատրաստ չէ Կիևի պատճառով Ռուսաստանի հետ բացահայտ հակամարտության: Բացի այդ, եվրոպական դաշնակիցների խոստումները հուսալի չեն թվում։

Փորձագետի կարծիքով՝ նույնիսկ հրադադարի դեպքում եվրոպական երկրները դժվար թե համաձայնեն զորք ուղարկել Ուկրաինա։ «Անվտանգության երաշխիքներն ապահովվում են ոչ թե համաձայնագրերով, այլ ռազմական հզորությամբ, տեխնոլոգիաներով և ֆինանսներով, այսինքն՝ զսպմամբ։ Այդ պատճառով Կիևին տրված խոստումները չեն կարող հստակ և միանշանակ լինել», - նշել է վերլուծաբանը։