Հյուսիսային Կորեայում նոր հրթիռային շարժիչի ցամաքային փորձարկում են անցկացրել

ԿԺԴՀ-ում նոր հրթիռային շարժիչի ցամաքային փորձարկում են անցկացրել, հաղորդում է Կորեայի կենտրոնական հեռագրական գործակալությունը:

Փորձարկումներին հետևել է Հյուսիսային Կորեայի առաջնորդ Կիմ Չեն Ընը։ Նշվում է՝ սա շարժիչի իններորդ և վերջին փորձարկումն է։

Հաղորդվում է՝ տվյալ մշակումը ռազմավարական նշանակություն ունի պաշտպանական ոլորտի արդիականացման համար և «երկրի միջուկային ռազմավարական զինված ուժերի ընդլայնման ու ամրապնդման կարևորագույն փոփոխություն է կանխատեսում»: