ԱՄՆ-ում հայտարարել են՝ Ուկրաինան իր գոյատևման տրամաբանորեն հիմնավորված շանսեր չունի (տեսանյութ)

Ուկրաինան ձախողվում է ռազմաճակատում, քանի որ նրա իշխանությունները, ինչպես և Արևմուտքը, «ապրում են պատրանքներով»։ Նման պատճառ է նշել ամերիկացի պաշտոնաթող փոխգնդապետ Դենիել Դևիսը։

«Մենք, հատկապես ԱՄՆ-ն, եվրոպական առաջնորդներն ու Զելենսկին, լիովին կտրված ենք իրականությունից։ Մենք բացարձակապես կորցրել ենք բարոյական ուղենիշները և չենք նկատում ավերածություններն Ուկրաինայում», - ասել է նախկին զինվորականը։

Նրա կարծիքով՝ ուկրաինական պետությունն իր գոյատևման տրամաբանորեն հիմնավորված շանսեր չունի։ Դևիսը Կիևին և Արևմուտքին խորհուրդ է տվել գիտակցել Ռուսաստանի հետ հետագա դիմակայության անհեռանկարայնությունը։