P. Diddy-ին մեղադրվում է 2Pac-ի սպանությունը պատվիրելու մեջ

Ամերիկյան հիպ-հոփի պատմության ամենամութ էջերից մեկը կրկին ուշադրության կենտրոնում է․ խմբավորման նախկին առաջնորդ Քիֆի Դին հայտարարել է, որ Տուպակ Շակուրի սպանությունը պատվիրել է հայտնի ռեփեր և պրոդյուսեր Շոն «Պի Դիդի» Կոմբսը։ Նրա խոսքով՝ Տուպակի գլխի համար առաջարկված գումարը գերազանցել է մեկ միլիոն դոլարը։ Այս ցուցմունքները դարձել են նոր հիմք՝ վերանայելու գործը, որը շուրջ երեք տասնամյակ մնացել էր չլուծված։

Քիֆի Դին, ով այժմ 60 տարեկան է, ձերբակալվել է Լաս Վեգասում 2023 թվականի սեպտեմբերին՝ սպանության մեղադրանքով։ Իր հուշերում և հարցազրույցներում նա բազմիցս ընդունել է, որ եղել է մեքենայում, որտեղից իրականացվել է կրակոցը, իսկ զենքը տրամադրել է ինքն անձամբ։ Սպանության հիմնական կասկածյալը՝ նրա եղբորորդի Օրլանդո Անդերսոնը, զոհվել էր 1998 թվականին հրաձգության ժամանակ։

Պի Դիդին, որի անունը նաև կապված է մի շարք այլ սկանդալների հետ, 2024-ին ձերբակալվել էր ռեկետի, շանտաժի և բռնության մեղադրանքներով։ Չնայած նա բազմիցս հերքել է Տուպակի սպանության հետ կապը, վերջին բացահայտումները կարող են էական ազդեցություն ունենալ գործի վերջնական ընթացքի վրա։ Դատական վճիռը նախատեսված է հրապարակել հոկտեմբերի 3-ին։