Լավրովն Արևմուտքի երկրների մոտ «նացիստական վիրուս» է հայտնաբերել

Ռուսաստանն արձանագրում է նացիստական վիրուսի նկատմամբ իմունիտետի թուլացում Արևմուտքի մի շարք երկրներում։ Այս մասին հայտարարել է ՌԴ ԱԳ նախարար Սերգեյ Լավրովը, փոխանցում է ՏԱՍՍ-ը ։

«Ցավոք, ստիպված ենք արձանագրել, որ այսօր Արևմուտքի մի շարք պետություններում նացիստական վիրուսի նկատմամբ իմունիտետը թուլացել է», - ասել է նա:

Նախարարի խոսքով՝ Արևմուտքում, համոզված լինելով սեփական բացառիկության մեջ, մոռացել են այն մասին, թե ինչի կարող են հանգեցնել շովինիզմը, ռուսատյացությունը և հակասեմիտիզմը, ուստի Ռուսաստանի պարտքն է կանխել նման միտումները և պայքարել պատմական ճշմարտության համար: