«Իրավունք». ՔՊ–ական կանանց շրջանում անողոք պայքար է. «Չեք մարսելու իմ հետ այդպես վարվելու համար»

«Իրավունք» թերթը գրում է. «Ավելի վաղ գրել էինք, որ ՔՊ-ական կանանց շրջանում անողոք պայքար է մղվում։ Եվ ահա, ըստ շրջանառվող լուրերի, ԱԺ Առողջապահության հարցերի մշտական հանձնաժողովի նախագահի պաշտոնում բուժքույր-պատգամավոր Հռիփսիմե Հունանյանի առաջադրումը լուրջ հակասությունների տեղիք է տվել նույն կանանց շրջանում։

Ասում են, թե մասնավորապես ՔՊ-ական պատգամավոր Զարուհի Բաթոյանը, ում թեկնածության դեմ են արտահայտվել խմբակցության ներսում, մտերիմ շրջապատում ասել է, որ չեն մարսելու իր հետ այդկերպ վարվելու համար: Նա համեմատության համար հիշեցրել է իր գիտելիքները ու մատնանշել, որ մյուս թեկնածուն հայտնի է միայն իր միջին մասնագիտական գիտելիքներով»։