Թուրքիան և Եգիպտոսը նախապես տեղյակ են եղել Դոհային հարվածների մասին․ WSJ

Թուրքիան և Եգիպտոսը հանդիպումների ժամանակ նախազգուշացրել են ՀԱՄԱՍ-ի ղեկավարությանը  անվտանգության միջոցառումների ուժեղացման անհրաժեշտության մասին Դոհայում խմբավորման վրա Իսրայելի հարձակումից մի քանի շաբաթ առաջ, հայտնում է The Wall Street Journal-ը:

ԶԼՄ-ների տեղեկություններով՝ 10 ռեակտիվ ինքնաթիռներ գործի են դրվել Կատարի մայրաքաղաքում հեռահար զինամթերքով կրակելու համար, որտեղ ՀԱՄԱՍ-ի քաղաքական ղեկավարությունը հավաքվել էր քննարկելու Գազայում կրակի դադարեցման վերաբերյալ վերջին առաջարկը:

Ինքնաթիռները հրթիռներ են արձակել կատարի օդային տարածքից դուրս, ինչպես նաև չեն խախտել Սաուդյան Արաբիայի կամ Արաբական Միացյալ Էմիրությունների օդային տարածքը: ԱՄՆ-ի պաշտոնյաները թերթին հայտնել են՝ Իսրայելը հարձակման մասին տեղեկացրել է ԱՄՆ-ին մեկնարկից րոպեներ առաջ, սակայն չի բացահայտել թիրախը: