Ռուսաստանի փորձագետը Լեհաստանի դեպքը համարում է ՆԱՏՕ-ի ներգրավման սադրանք

Ռուս ռազմական փորձագետ Յուրի Կնուտովը Լեհաստանում տեղի ունեցած անօդաչու թռչող սարքերի միջադեպը համարել է «նախապես մշակված սադրանք»՝ ուղղված Ռուսաստանի դեմ։ «Այս պատմությունը ներկայացվելու է որպես Մոսկվայի ագրեսիա, ինչպես Մալայզիական Boeing-ի կամ Բուչայի դեպքերը»,– նշել է նա «Взгляд»-ի հետ զրույցում։

Կնուտովի խոսքով՝ Կիևը ձգտում է ՆԱՏՕ-ի բաց միջամտությանը, և այս միջադեպը կարող է դառնալ զորքերի ներգրավման պատրվակ։ Վարշավայում արդեն քննարկվում է ՆԱՏՕ-ի պայմանագրի չորրորդ հոդվածի կիրառման հարցը։ Նա նաև չի բացառել «ցանկացողների կոալիցիայի» որոշումը՝ զորքեր մտցնելու Ուկրաինա։

Հիշեցնենք՝ սեպտեմբերի 10-ի լույս գիշերը Լեհաստանի վարչապետ Դոնալդ Տուսկը հայտարարեց, թե երկրի օդային տարածքը խախտվել է ռուսական ԱԹՍ-ների կողմից, սակայն ապացույցներ չներկայացրեց։ ՌԴ Պետդումայում ենթադրել են, որ միջադեպը կարող էր լինել Ուկրաինայի սադրանք։