Չինաստանն արձագանքել է Թրամփի՝ ճնշումն ուժեղացնելու կոչերին

Չինաստանը դեմ է Ուկրաինայի հակամարտության պատճառով իր վրա տնտեսական ճնշմանը։ Այս մասին ճեպազրույցի ժամանակ հայտարարել է Չինաստանի արտաքին գործերի նախարարության պաշտոնական ներկայացուցիչ Լին Ցզյանը, գրում է ՏԱՍՍ-ը։

«Չինաստանը ո՛չ հրահրող է, ո՛չ էլ կողմ ուկրաինական հակամարտության մեջ և կտրականապես դեմ է, այսպես կոչված, տնտեսական ճնշմանը, որը կիրառվում է դրա հետ կապված», - ընդգծել է Լին Ցզյանը։

Սեպտեմբերի 10-ին Financial Times թերթը, հղում անելով երեք աղբյուրի, հաղորդել է, որ ԱՄՆ նախագահ Դոնալդ Թրամփը կոչ է արել ԵՄ-ին Հնդկաստանի և Չինաստանի նկատմամբ մաքսատուրքերը հասցնել 100%-ի՝ որպես Ուկրաինայի կարգավորման արագացման նպատակով Ռուսաստանի վրա ճնշումը մեծացնելու համատեղ միջոցառումների մաս։ Հրատարակության աղբյուրներից մեկը նշել է, որ Վաշինգտոնը պատրաստ է նույն մաքսատուրքերը սահմանել, ինչ ԵՄ-ն, եթե Բրյուսելը նմանատիպ որոշում կայացնի։