Ռուսաստանում հայտարարվել են նոր Apple Watch-ի և AirPods Pro-ի գները

Ռուսական խոշոր ռիթեյլերները սկսել են ընդունել նախնական պատվերներ նոր Apple սարքերի համար՝ հայտնելով պաշտոնական գները։ Մասնավորապես, Apple Watch Series 11-ի արժեքը գնահատվել է 50–55 հազար ռուբլի, իսկ մատչելի Apple Watch SE 3-ը կարժենա մոտ 33–35 հազար։ Ֆլագմանային Apple Watch Ultra 3-ը վաճառվում է շուրջ 100–106 հազար ռուբլիով։

Նոր սերնդի AirPods Pro 3 անլար ականջակալները տարբեր խանութներում գնահատվել են 33–35 հազար ռուբլի։ Նախնական պատվերներն արդեն հասանելի են խոշոր ցանցերում՝ ներառյալ «М.Видео»-ն և «МТС»-ը։

Ավելի վաղ հայտարարվել էին նաև iPhone 17 սերիայի գները․ ըստ «Яндекс.Маркета», ստանդարտ տարբերակը կարժենա սկսած 110 հազար ռուբլուց, իսկ Pro Max մոդելը՝ մինչև 152 հազար։ Apple-ը նախատեսում է սեպտեմբերի 15-ին թողարկել բոլոր նոր օպերացիոն համակարգերը՝ iOS 26, iPadOS 26, macOS Tahoe, watchOS 26 և visionOS 26։