Բելգիան համաձայնել է օգտագործել Ռուսաստանի սառեցված ակտիվները

Բելգիան կհամաձայնի օգտագործել Ռուսաստանի սառեցված մոտ 200 միլիարդ եվրոյի ակտիվները, եթե Եվրամիությունը կիսի իրավական ռիսկերը։ Այս մասին հայտարարել է Բելգիայի արտաքին գործերի նախարար Մաքսիմ Պրևոստը, հաղորդում է The Financial Times-ը։

Դիվանագետի խոսքով՝ Բրյուսելը չի ​​կարող պատասխանատվություն կրել որևէ պոտենցիալ պահանջի համար, որը մի օր կարող է ստիպել նրան վճարել երկրի տարեկան բյուջեին համարժեք գումար։

Բելգիայի կառավարությունը բռնագրավումը կամ ակտիվների օգտագործման փոփոխությունները համարում է չափազանց ռիսկային գործ, քանի որ դրա համար իրավական հիմք չկա։ «Թագավորության համար կարևոր է պահպանել սառեցված ինքնիշխան ակտիվները՝ որպես լծակ Ռուսաստանի դեմ խաղաղության բանակցություններում և ապահովել, որ մեծ գումարներ օգտագործվեն Ուկրաինայի վերականգնման համար»,- հավելել է Պրևոստը։