Հնդկաստանում սամոսա չբերելու պատճառով ամուսինը ծեծի է ենթարկվել

Հնդկաստանի Ուտար Պրադեշ նահանգում արձանագրվել է անսովոր միջադեպ։ Պիլիբհիտ քաղաքի բնակչուհի Սանգիտան ծեծել է իր ամուսնուն՝ Շիվամին, այն բանից հետո, երբ նա տուն էր վերադարձել առանց սամոսայի (հայտնի հնդկական կարկանդակ)։

Տեղական լրատվամիջոցների տեղեկություններով՝ կինը խնդրել էր ամուսնուն կարկանդակներ գնել, սակայն վերջինս ճանապարհին կորցրել էր գումարը և վերադարձել ձեռնունայն։

Դեպքից զայրացած Սանգիտան զանգահարել էր իր հարազատներին, որոնք եկել էին տուն և միացել ամուսնուն ծեծելուն։

Ավելի ուշ կողմերը փորձել էին վեճը կարգավորել ավագների խորհրդում, սակայն իրավիճակը կրկին սրվել էր։

Այս անգամ ոչ միայն Շիվամը, այլև նրա մայրը վիրավորվել էին։ Ոստիկանությունը սկսել է հետաքննություն՝ կենցաղային վեճի հիմքով, որը վերածվել է քրեական գործի։