Ուկրաինայում հակամարտությունը կտևի ևս երկու տարի. ԵՄ ներկայացուցիչ Կալլաս

ԵՄ արտաքին գործերի և անվտանգության քաղաքականության գերագույն ներկայացուցիչ Կայա Կալլասը կարծում է, որ Ուկրաինայում զինված հակամարտությունը կարող է տևել ևս երկու տարի։ Նա այս մասին ասել է մի շարք լրատվամիջոցների, այդ թվում՝ EFE-ի հետ հարցազրույցում։

Նա բողոքել է, որ Ուկրաինայում խաղաղության հասնելու ջանքերը, այդ թվում՝ ԱՄՆ նախագահ Դոնալդ Թրամփի ջանքերը, որևէ արդյունք չեն տվել։ Դիվանագետի խոսքով՝ վատատեսական սցենարի դեպքում Ուկրաինան ստիպված կլինի զիջել իր տարածքները Ռուսաստանին։

Կալլասը նաև խոսել է աշխարհում Չինաստանի դերի մասին։ Նա խնդիր է անվանել Չինաստանի «հարկադրական տնտեսական գործելակերպը» և այն փաստը, որ Պեկինը աջակցում է Մոսկվային ուկրաինական հակամարտությունում։

Դիվանագետը շեշտել է, որ ԵՄ-ն պատրաստ չէ գործել՝ որպես համաշխարհային խաղացող Չինաստանի հարցում, քանի որ ԵՄ երկրները ընդհանուր պատկերացում չունեն այն մասին, թե ինչ քայլեր պետք է ձեռնարկվեն։