Ուկրաինան այլևս Ադրբեջանից գազ չի ստանա

Ադրբեջանական գազի հոսքը դեպի Ուկրաինա դադարեցվել է։ Այս մասին հաղորդում է Strana.ua հրատարակությունը։

Նշվում է, որ սեպտեմբերի 10 օրվա ընթացքում երկիր է մուտք գործել 236 միլիոն խորանարդ մետր, ինչը մոտավորապես նույնն է, ինչ օգոստոսին։ «Սակայն սեպտեմբերի սկզբից ի վեր Ռումինիայից գազի հոսքը, որը նախկինում անվանվում էր «ադրբեջանական»՝ հղում անելով Ադրբեջանի հետ մատակարարման համաձայնագրերին, ամբողջությամբ դադարեցվել է», -ասվում է հաղորդագրության մեջ։

Ենթադրվում է, որ դա կարող է պայմանավորված լինել Մոլդովայի և Ռումինիայի հետ սահմանին գազատրանսպորտային ենթակառուցվածքների վնասմամբ, սակայն օգոստոսին գազը շարունակել է հոսել դրա միջով մինչև ամսվա վերջ։

Սեպտեմբեր ամսվա Ուկրաինա մատակարարումների մեջ առաջատար մասնաբաժինը ավանդաբար բաժին է ընկել Հունգարիայից և Սլովակիայից եկող գազին (145 միլիոն խորանարդ մետր)։ «Լեհաստանից ներմուծումն աճել է․ այն առաջին տասը օրվա ընթացքում կազմել է 101 միլիոն խորանարդ մետր», -գրում է հրատարակությունը։