BBC. ԱՄՆ ՀՕՊ համակարգերի տեղադրման երաշխիքներ է տվել Մոսկվային

«ԱՄՆ-ն պատրաստ է Մոսկվային տալ գրավոր երաշխիքներ, որ Եվրոպայում ստեղծվելիք հակահրթիռային պաշտպանության համակարգերը ուղղված չեն Ռուսաստանի դեմ, սակայն, այդ երաշխիքները չեն կարող ունենալ իրավական ուժ»,– ասել է ԱՄՆ պետքարտուղարի սպառազինությունների վերահսկման գծով տեղակալ Էլեն Թոուշերը։ «Մենք չենք կարող տալ իրավաբանորեն պարտավորեցնող երաշխիքներ, ինչպես նաեւ Մոսկավայի հետ համաձայնեցնել ՀՕՊ համակարգերի սահմանափակման հարցերը, որը պետք է ավելանա գլոբալ [արտաքին] աճող սպառնալիքներին համընթաց», - ասել է նա երեքշաբթի ԱՄՆ–ում Ատլանտյան խորհրդի կողմից կազմակերպված ՀՕՊ համակարգերի վերաբերյալ կոնֆերանսի ժամանակ։ Խորհրդաժողովին Պենտագոնի ՀՕՊ հարցերով գեներալ Պատրիկ Օրելլին հայտարարել է, որ ԱՄՆ կողմից Եվրոպայում տեղադրվելիք ՀՕՊ համակարգերը բացարձակապես ուղղված չեն Մոսկվայի դեմ, այլ դրանք ուղղված են լինեու տարբեր երկրների՝ մասնավորապես Իրանի և Հյուսիսային Կորեայի դեմ։

Հիշեցնենք, որ անցյալ շաբաթ ՆԱՏՕ–ի անդամ երկրների պաշտպանության նախարարների խորհրդաժողովի ժամանակ, ՆԱՏՕ–ի գլխավոր քարտուղարը հայտարարել էր, որ ԱՄՆ Եվրոպայում կավելացնի ՀՕՊ համակարգերի տեղակայումը։ Ինչը Ռուսական կողմը սուր քննադատության էր ենթարկել, հայտարարելով, որ ԱՄՆ հրաժարվում է Եվրոպայում ՀՕՊ համակարգերի տեղակայման իրավական երաշխիքներ տալ։