Ռուսաստանի ակտիվների բռնագանձումը կարող է հանգեցնել պատերազմի. փորձագետ

Տնտեսագետ Անտոն Լյուբիչը «Взгляд»-ի հետ զրույցում նշել է, որ Եվրոպան իրավական հիմքեր չունի Ռուսաստանին պատկանող սառեցված ակտիվները Ուկրաինային փոխանցելու համար։ Նրա խոսքով՝ նման քայլը հնարավոր է միայն երկու դեպքում՝ եթե Մոսկվան ինքնակամ օգտագործի այդ միջոցները կամ եթե Եվրոպան պաշտոնապես պատերազմ հայտարարի Ռուսաստանի դեմ։

Լյուբիչը շեշտել է, որ միջազգային իրավունքի շրջանակում չկա այլ հիմք խախտելու սուվերեն սեփականության անձեռնմխելիությունը։ «Ակտիվների բռնագրավումը կարող է դառնալ casus belli՝ լիարժեք ռազմական հակամարտության պատճառ», — ընդգծել է տնտեսագետը։

Նա հավելել է, որ Կիևին փոխհատուցումների վճարումը հնարավոր է միայն խաղաղության պայմանագրի կնքման դեպքում։ Ավելի վաղ Եվրահանձնաժողովի նախագահ Ուրսուլա ֆոն դեր Լյայենը հայտարարել էր, որ ԵՄ-ը ներկայումս չի նախատեսում բռնագրավել ռուսական ակտիվները։