Կրեմլը դոլարի աճը համարում է բնական շուկայական երևույթ

ՌԴ նախագահի մամուլի քարտուղար Դմիտրի Պեսկովը հայտարարել է, որ դոլարի և եվրոյի աճող փոխարժեքները «շուկայական գործընթացների» արդյունք են և չեն խախտում երկրի մակրոտնտեսական կայունությունը։ Նա հիշեցրել է, որ փոխարժեքների տատանումները տարբեր կերպ են անդրադառնում արտահանողների և ներմուծողների վրա, սակայն ընդհանուր իրավիճակը մնում է վերահսկելի։

Սեպտեմբերի 10-ին Կենտրոնական բանկը սահմանել է դոլարի փոխարժեքը 84,92 ռուբլի, իսկ եվրոն՝ 99,82 ռուբլի։ Հաջորդ օրը դոլարը հասել է 86 ռուբլու շեմին, իսկ եվրոն՝ 100,46-ի։ Չինական յուանը նույնպես աճել է՝ առաջին անգամ մարտից անցնելով 12 ռուբլու շեմը։

Պետդումայի ֆինանսական շուկայի կոմիտեի ղեկավար Անատոլի Աքսակովը նշել է, որ չափազանց բարձր ռուբլին ոչ շահավետ է տնտեսության համար, իսկ ազգային արժույթի թուլացումը կօգնի բիզնեսին և կավելացնի բյուջեի եկամուտները։ Նրա գնահատմամբ՝ օպտիմալ փոխարժեքը կազմում է շուրջ 100 ռուբլի մեկ դոլարի դիմաց, փոխանցում է Лента.ру-ն։