Մարսի վրա առաջին անգամ կյանքի նշաններ են հայտնաբերվել

NASA-ի և Լոնդոնի Իմպերիալ քոլեջի գիտնականները Մարսի վրա հայտնաբերել են մանրէային պրոցեսների հետքեր: Հետազոտողները նկարագրել են Ջեզերո խառնարանի ապարներում հանքանյութեր և օրգանական նյութեր, որոնք կարող են վկայել հին լճի գոյության և Երկրի վրա տեղի ունեցողներին հիշեցնող կենսաքիմիական ռեակցիաների մասին: Աշխատանքը հրապարակվել է Nature ամսագրում:

Խումբը վերլուծել է ապարները բաց գույնի տարածքում՝ «Պայծառ Հրեշտակ» անունով: Պարզվել է, որ դրանք նստվածքային ապարներ են, որոնք ձևավորվել են հանգիստ ջրային միջավայրում՝ ափերի մոտ կամ լճի հատակում: Ապարների ներսում հայտնաբերվել են միլիմետրի չափի կազմավորումներ, որոնք հարստացված են երկաթ-ֆոսֆատային և երկաթ-սուլֆիդային հանքանյութերով, որոնք, ենթադրվում է, առաջացել են օրգանական ածխածնի հետ ռեակցիաների արդյունքում: Երկրի վրա նմանատիպ պրոցեսները հաճախ կապված են միկրոօրգանիզմների ակտիվության հետ:

2021 թվականից Ջեզերո խառնարանում գործող «Պերսևերանս» մարսագնացն արդեն «Պայծառ Հրեշտակից» միջուկ է վերցրել և պահել պարկուճի մեջ՝ Երկիր նմուշներ հասցնելու ապագա առաքելության համար: Գիտնականները կանխատեսում են, որ դա տեղի կունենա 2030-ական թվականներին:

«Սա հսկայական քայլ է առաջ։ Նմուշները, որոնց բնութագրմանը մենք օգնեցինք, մինչ օրս ամենահմայիչներից են», - ասել է Լոնդոնի Իմպերիալ քոլեջի պրոֆեսոր Սանջիվ Գուպտան։