Լուկաշենկոն Թրամփի խնդրանքով ներում է շնորհել 14 օտարերկրացի բանտարկյալների

Բելառուսի նախագահ Ալեքսանդր Լուկաշենկոն, ԱՄՆ նախագահ Դոնալդ Թրամփի միջնորդությամբ, ներում է շնորհել 14 օտարերկրացի կալանավորների։«Пул Первого» Telegram-ալիքի հաղորդմամբ՝ նրանց թվում են Լիտվայի վեց, Լատվիայի, Գերմանիայի և Լեհաստանի երկուական, ինչպես նաև Ֆրանսիայի և Մեծ Բրիտանիայի մեկական քաղաքացի։

Ներումների գործընթացը ներկայացվել է որպես «բարեկամության ժեստ» և հումանիզմի դրսևորում։ Ընդհանուր առմամբ ազատ է արձակվել շուրջ 50 կալանավոր։

Այս որոշումը հաջորդել է ԱՄՆ նախագահի հատուկ ներկայացուցիչ Ջոն Քոուլի այցին Մինսկ, որի ընթացքում Լուկաշենկոյին փոխանցվել էր Թրամփի նամակը։ Ավելի վաղ Լիտվայի նախագահ Գիտանաս Նաուսեդան նույնպես հաստատել էր իր երկրի քաղաքացիների ազատման փաստը։