Պուգաչովան աղմկահարույց խոստովանություն է արել Կիրկորովի հետ ամուսնության մասին. «Շատ էին խնդրում օգնել»

Ալլա Պուգաչովան կիսվել է Ֆիլիպ Կիրկորովի հետ իր ամուսնության մանրամասներով։ Հարսանիքը տեղի է ունեցել 1994 թվականին, զույգը միասին ապրել է 11 տարի։ Սակայն եգչուհին խոստովանել է, որ Կիրկորովի հետ ամուսնացել է միայն հանուն նրա մոր, որը խնդրել էր իրեն օգնել որդուն մինչև իր մահը։

Ալլա Պուգաչովայի խոսքով՝ իր ընտանիքը լավ հարաբերությունների մեջ է եղել Կիրկորովի ընտանիքի հետ։ Նրա բոլոր հարազատները խնդրում էին իրեն օգնել, այդ թվում՝ նրա մայրը, որը ծանր հիվանդ էր։

«Ինձ զզվեցրել էին։ Մայրը կենդանության օրոք ասում էր. «Օգնի՛ր Ֆիլիպչիկին»։ Նրա տատիկը, որը մորս ընկերուհին էր, ասում էր․ «Օգնի՛ր Ֆիլիպչիկին»։ Ես ճանաչում էի նրա մորը։ Ես չէի սիրում Բեդրոսին, բայց Վիկտորիան, իհարկե, հիանալի կին էր։ Նա քաղցկեղ ուներ։ Եվ խենթ, պարզապես գերբնական սեր ուներ Ֆիլիպի նկատմամբ, որն այդ ժամանակ ինձ համար անհասկանալի էր», - ասել է երգչուհին։

Մահից առաջ Ֆիլիպ Կիրկորովի մայրը խնդրել էր երգչուհուն չլքել իր որդուն, կիսվել իր փորձով և առաջ մղել նրա կարիերան։ Հանուն նրա էլ Պուգաչովան որոշել էր օգնել Ֆիլիպին։ Ալլա Պուգաչովայի խոսքով՝ ինքը կարծում էր, որ «երեք տարում նրան կմեծացնի»։ Եվ ամուսնու կարգավիճակը անհրաժեշտ էր ուշադրություն գրավելու համար։

«Քայլը, իհարկե, պարզունակ էր, բայց այն ժամանակ շատ լավ ստացվեց։ Նա չի կարող նեղանալ ինձնից, ես նրան տվեցի այն ամենը, ինչ կարող էի», - խոստովանել է երգչուհին։

Ալլա Պուգաչովան նշել է, որ ունեցել է ընդամենը երկու իրական ամուսնություն՝ առաջինը՝ Միկոլա Օրբակասի հետ, և վերջինը։ Մաքսիմ Գալկինի հետ իր ներկայիս ամուսնության մասին նա ասել է, որ գտել է իր իսկական երջանկությունը. «Նա ունի զարմանալի տաղանդ՝ սիրել ինձ, սիրել իր ընտանիքը և հոգ տանել իմ մասին»։