Բրազիլիայի նախկին նախագահը դատապարտվել է 27 տարվա ազատազրկման

Բրազիլիայի նախկին նախագահ Ժաիր Բոլսոնարոն դատապարտվել է 27 տարի 3 ամիս ազատազրկման։ 

Բրազիլիայի Գերագույն դատարանի դատավորների կոլեգիան Բոլսոնարոյին մեղավոր է ճանաչել 2022 թվականի ընտրություններում պարտությունից հետո ռազմական հեղաշրջման փորձ կազմակերպելու մեջ։

70-ամյա Բոլսոնարուին հեղաշրջումը ղեկավարելու մեջ մեղավոր են ճանաչել Գերագույն դատարանի հինգ անդամներից չորսը։

2022 թվականի նախագահական ընտրություններում նա պարտվել էր իր ձախակողմյան մրցակցին Լուիս Ինասիու Լուլա դա Սիլվային, որն այժմ կառավարում է երկիրը։

Ըստ դատարանի` թեև դավադիրներին չի հաջողվել ստանալ բանակի աջակցությունը, սակայն Բոլսոնարուի կողմնակիցները 2023 թ․ հունվարի 8-ին գրոհել են կառավարության շենքը։